Օնիշենկոն էլեկտրոնային սիգարետները որակել է Ռուսաստանի ազգային անվտանգությանը սպառնացող վտանգ

ՌԴ Պետական Դումայի պատգամավոր, նախկինում սանիտարական գլխավոր սանիտարական բժիշկ  Գենադի Օնիշենկոն էլեկտրոնային սիգարետները որակել է Ռուսաստանի ազգային անվտանգությանը սպառնացող գլխավոր վտանգներից մեկը:

Ռուսական լրատվամիջոցների հաղորդմամբ, դրանց տարածումն ակտիվորեն իրականացվեց միջազգային կորպորացիաների կողմից հակածխախոտային օրենսդրության խստացման հետևանքով:

«Այդ ընկերությունների ներկայացուցիչները հրավիրում են կառավարություն, որտեղ քննարկվում են մեր երկրում էլեկտրոնային սիգարետների քարթրիջների արտադրության վերաբերյալ նրանց առաջարկությունները: Ես նման առաջարկությունները համարում եմ ուղղակի վտանգ Ռուսաստանի ազգային անվտանգության համար»,-ասել է նա: