«Հաց բերողը» տեղափոխվել է հիվանդասենյակ

«Հաց բերող» Արթուր Սարգսյանն այսօր վերակենդանացման բաժանմունքից տեղափոխվել է Գաստրոէնտերոլոգիայի բաժանմունք: Panorama.am-ին ասաց «Արմենիա» ԲԿ-ի վերակենդանացման բաժանմունքի վարիչ Սուրեն Մակարյանը:

«Վիճակը լավ էր, որ տեղափոխվեց»,-ասաց նա:

Հարցին գանգատներ ունե՞ր, պատասխանեց՝ «դե չէ»:
Մակարյանն ասաց, որ անցած օրվա ընթացքում Սարգսյանը հետազոտվել է:

«Ոչ մի առանձնահատուկ բան չկա»,-ասաց բաժանմունքի վարիչը:
Սուրեն Մակարյանն ասաց, որ Արթուր Սարգսյանը սնվել է: