Ֆրանսիայում ուսուցչին աշխատանքից հեռացրել են՝ դասի ժամանակ Աստվածաշունչ կարդալու պատճառով

Ֆրանսիայում տարրական դպրոցի ուսուցչին ազատել են աշխատանքից, քանի որ նա դասի ժամանակ երեխաների համար Աստվածաշնչից հատվածներ է կարդացել։ Նման պարապմունքներին դեմ են հանդես եկել ծնողները, իսկ ուսումնական հաստատության տնօրենը դա համարել է երկրի աշխարհիկության սկզբունքների խախտում,- այս մասին գրում է life.ru-ն։

Իմանալով, որ կենտրոնական Ֆրանսիայում գտնվող Մալիկորն համայնքի դպրոցի տարրական դպրոցի ուսուցիչն իր դասաժամերին Սուրբ գրքից հատվածներ է ընթերցում՝ ծնողները դպրոցի տնօրենին անանուն բողոք են գրել։ Կրթական հաստատության ղեկավարը մանկավարժի գործողությունները Ֆրանսիայի աշխարհիկության քաղաքականության խախտում է համարել, և տղամարդը հեռացվել է աշխատանքից։

Այժմ ուսուցչի հեռացման գործին առնչվող պաշտոնատար անձինք մեղադրվում են մանկավարժի նկատմամբ անարդարացի կտրուկ միջոցներ կիրառելու մեջ։