Արթուր Հովհաննիսյանն ու Նարեկ Մանասյանը բրոնզե մեդալ են նվաճել

Ռումինիայի Բրաիլա քաղաքում ընթացող Եվրոպայի 18-22 տարեկանների առաջնությունում Հայաստանի ներկայացուցիչներն ավարտել են  իրենց ելույթները։

Կիսաեզրափակիչ դուրս եկած 49 կգ քաշային Արթուր Հովհաննիսյանն  ու 91 կգ քաշային Նարեկ Մանասյանը պարտություն են կրել  և արժանացել  բրոնզե մեդալի։ Հայտնում է Հայաստանի բռնցքամարտի ֆեդերացիան:

Եվրոպայի 18-22 տարեկանների առաջնությունում Հայաստանը հանդես էր գալիս 7 մարզիկով։