​ Չինովնիկ կարգավիճակից դուրս եք գալիս, դառնում եք ագրեսիվ գործակալություն. վարչապետը՝ Արման Սահակյանին

Վարչապետ Կարեն Կարապետյանն այսօր կառավարության նիստում հայտարարեց՝ Պետական գույքի կառավարման վարչությունն ունի հստակ հանձնարարական և նշաձող, թե այս տարի գույքի օտարումից ինչ ակնկալիքներ ունեն:

Վարչապետը նշեց, որ Պետգույքի կառավարման վարչության պետ Արման Սահակյանից ակնկալում է բարեփոխումների ծրագիր, որի պարագայում կոմիտեն դառնում է կոմերցիոն առումով գործակալություն:

«Ձեզանից ակնկալում եմ բարեփոխումների ծրագիր, որի պարագայում ձեր կոմիտեն դառնում է կոմերցիոն առումով լավ գործակալություն, որը կառավարում է մեր գույքերը, իսկ այն գույքը, որ մեզ այսօր պետք չէ՝ վաճառում է, ու այդ գործակալությունը գործում է  բոլոր բիզնեսի կանոններով: Չինովնիկ կարգավիճակից դուրս եք գալիս, դառնում եք ագրեսիվ գործակալություն»,- նշեց  վարչապետը։