Էլինա Դանիելյանից 100 քայլ է պահանջվել ռուս շախմատիստուհի Օլգա Գիրիային հաղթելու համար

Ապրիլի 17-ին Ռիգայում խաղացվել է շախմատի Եվրոպայի կանանց անհատական առաջնության յոթերորդ տուրը (144 մասնակից, 11 տուր): Հայաստանը ներկայացնում են ազգային հավաքականի անդամներ Էլինա Դանիելյանը, Լիլիթ Մկրտչյանը, Լիլիթ Գալոյանը և Մարիա Գևորգյանը:

ՀԱՕԿ-ի կայքից տեղեկանում ենք, որ յոթերորդ տուրում Դանիելյանն ու Գևորգյանը հաղթանակ են տարել, Մկրտչյանը ոչ-ոքի է խաղացել, Գալոյանը պարտվել է:

Դանիելյանն ունի 5.5 միավոր (3-րդ տեղ), Մկրտչյանը` 4 միավոր (65-րդ), Գևորգյանը և Գալոյանը` 3.5-ական միավոր (74-րդ և 84-րդ տեղեր):

Էլինա Դանիելյանից 100 քայլ է պահանջվել ռուս շախմատիստուհի Օլգա Գիրիային հաղթելու համար: