Ամենից շատ կարդացված նյութեր
.jpg "Հայկական պարը՝ գերմանական մրցույթում")
Գերմանիայի Մյունխեն քաղաքի հայ հայրենակցական միության «Անուշ» պարախումբը Ֆյուրստենֆելդբրյուկ քաղաքում մասնակցել է Գերմանիայի որակավորում ստացած պարախմբերի մրցույթին, որտեղ վաստակելով 90.3 միավոր՝ առաջին կարգի մրցանակ է ստացել:
«Հայերն այսօր»-ը հայտնում է, որ մրցույթի ժողովրդական պարեր բաժնում մենապարով հանդես է եկել պարախմբի պարուհիներից տասնհինգամյա Մելինե Հուբախը, ով հանդիսատեսի ուշադրությանն է ներկայացրել Սայաթ-Նովայի «Նազանի»-ն:
Պարախմբի հիմնադիր, պարուսույց և գեղարվեստական ղեկավար Անուշ Չախալյանն ասել է, որ թեժ մրցակցության պայմաններում են հաղթանակի հասնել. բոլոր պարախմբերը պրոֆեսիոնալ մակարդակի են եղել և աչքի ընկել բարձր պատրաստվածությամբ:
«Այս հաղթանակը մեծ նվաճում է մեզ համար, ինչի համար շատ ուրախ ենք: Իհարկե, մտածում էինք՝ գուցե և հաղթենք, սակայն մինչև վերջին պահն անսպասելի էր»,-նշել է Անուշ Չախալյանը՝ հավելելով, որ մրցույթի ավարտից հետո այլազգի հանդիսատեսը մոտեցել է իրեն և հայկական պարերի մասին հիացական խոսքեր ասել:
Studio One