Ամենից շատ կարդացված նյութեր
.jpg "Ռուբեն Մելիքյանն ընդգծել է ԱՀ ՄԻՊ ռազմավարություն մշակելու անհրաժեշտությունը")
Ռուբեն Մելիքյանն ընդգծել է ԱՀ ՄԻՊ ռազմավարություն մշակելու անհրաժեշտությունը
Արցախի մարդու իրավունքների պաշտպանն Արցախի Հանրապետության Ազգային ժողովի լիագումար նիստում ներկայացրել է 2016 թվականի ընթացքում ՄԻՊ հաստատության գործունեության և երկրում մարդու իրավունքների վիճակի վերաբերյալ տարեկան զեկույցը:
Պաշտպանի գրասենյակի հաղորդմամբ, Ռ.Մելիքյանը մանրամասնել է դիմումների վիճակագրական պատկերը, ինչպես նաև անդրադարձել ՄԻՊ հաստատության գործունեության ռազմավարական ուղղություններին` հանրության իրավական մշակույթի բարձրացման, քաղաքացիական հասարակության հետ երկխոսության ամրապնդման, փակ հաստատություններում մարդու իրավունքների երաշխավորման խնդիրներին:
Պաշտպանը հատուկ ընդգծել է Արցախի Հանրապետության մարդու իրավունքների ռազմավարություն մշակելու, ընդունելու և գործարկելու անհրաժեշտությունը, որի պայմաններում հնարավոր կլինի համակարգված եղանակով հասնել չափելի արդյունքների:
Ռ.Մելիքյանը նաև նշել է, որ Ռազմավարության մշակման հարցում ակնկալում է Սփյուռքի կառույցների, ինչպես նաև իրավապաշտպան հանրության օժանդակությունը:
Studio One