ՀՀԿ-ում ներկուսակցական թեժ «ռազբորկաները» շարունակվում են. ՉԻ

Լավատեղյակ աղբյուրներից «Չորրորդ իշխանության»-ը հայտնի է դարձել, որ  ՀՀԿ ներսում  ներկուսակցական թեժ « ռազբորկաները»  շարունակվում են,  մասնավորապես,  հիմնականում քննարկվում է, թե քարոզարշավի համար  թեկնածուներից ո՞վ  որքան գումար է ստացել  կուսակցական գանձարանից,  որքան ձայն է խոստացել և որքան է բերել:

«Ու քանի որ շատ դեպքում ծախսված փողը  ավելի շատ է եղել, քան ստացված ձայները,  հիմա ՀՀԿ-ականներից մեկ դրամի ճշգրտության հաշիվ են պահանջում: Հատկապես թեժ են «ռազբորկաները»  Երևանում, քանի որ այստեղ նաև ավագանու ընտրություններ են,  և որպեսզի այս ընտրություններում աննպատակ ու անիմաստ  գումարներ չծախսվեն (գոնե կուսակցական գանձարանից) փորձում են հաշիվ տեսնել ու  իրողությունները բացահայտել»,-գրել է թերթը: