ԵՏՄ-ում կստեղծվի գազի ընդհանուր շուկա

Եվրասիական տնտեսական միության շրջանակներում կստեղծվի գազի ընդհանուր շուկա: համապատասխան ծրագիրը հավանության է արժանացել ԵՏՄ նավթի և գազի խորհրդատվական հանձնաժողովի կողմից:

Ինչպես նշվում է ԵՏՀ  մամլո ծառայության տարածած հաղորդագրությունում՝  ներկայացված ծրագրում հաշվի են առնված ԵՏՄ անդամ երկրների տնտեսական շահերը, այդ թվում՝ դրանց գազային շուկաների գործառնական և զարգացման առանձնահատկությունները, ազգային օրենսդրությունների տարբերությունները:

«Ընդ որում՝ գազի ընդհանուր շուկայի ձևավորումը ինտեգրացիոն համագործակցության կարևորագույն առաջնահերթություններից մեկն է», - իր ելույթում նշել է Եվրասիական տնտեսական հանձնաժողովի էներգետիկայի և ենթակառուցվածքների գծով հանձնաժողովի անդամ Ադամկուլ Ժունուսովը:

Փաստաթուղթը  ներառում է փոխկապակցված կազմակերպչական, տեխնոլոգիական և այլ միջոցառումների համալիր, որն ապահովում է Միության ընդհանուր գազային շուկայի ձևավորումը և բաղկացած է ավելի քան 30 միջոցառումներից: Դրանց մի մասը կապված է բորսայական առևտրի և գազի առքուվաճառքի կանոնների, գազի ընդհանուր շուկայում գնային և տարիֆային քաղաքականության իրագործման (այդ թվում՝ բորսայական և արտաբորսայական գնային ցուցիչների ձևավորում), անդամ երկրների գազային ոլորտը կարգավորող օրենսդրության ներդաշնակեցման հետ: