Արցախի զբոսաշրջային արդյունքը՝ «Ինտուր Էքսպո 2017» միջազգային զբոսաշրջային ցուցահանդեսում

Արցախի հանրապետությունում գործող 6 զբոսաշրջային ընկերություններ և որակավորում ունեցող հյուրանոցային տնտեսության օբյեկտներ ներկայացվել են Երևանում կայացած «Ինտուր Էքսպո 2017» միջազգային զբոսաշրջային ցուցահանդեսին:

Արցախի տուրիզմի զարգացման գործակալության փոխանցմամբ՝ ցուցահանդեսի աշխատանքային 3 օրերի ընթացքում Արցախի պատվիրակությունը արդյունավետ աշխատանքներ է իրականացրել՝ տեղեկատվություն փոխացնելով շահագրգիռ զբոսաշրջային ընկերություններին և ցուցահանդեսի այցելուներին, ինչպես նաև ստեղծել մասնավոր հատվածի հետ համագործակցության հնարավորություններ:

ԱՀ էկոնոմիկայի նախարարի տեղակալ Սերգեյ Շահվերդյանի խոսքով՝ Ինտուր Էքսպո զբոսաշրջային ցուցահանդեսը կարևոր հարթակ է հայկական զբոսաշրջային արդյունքը միասնաբար ներկայացնելու, ինչպես նաև նոր գործնական կապեր հաստատելու առումով:

Ցուցահանդեսին Արցախի Հանրապետությունը մասնակցում է երրորդ անգամ՝ ներկայացնելով Արցախի զբոսաշրջային արդյունքը հայկական զբոսաշրջային շուկայում: