Ամենից շատ կարդացված նյութեր
.jpg "Տարոն Մարգարյան. Մանկապարտեզների աշխատակիցների համար նախատեսում ենք պարտադիր բժշկական ապահովագրություն")
Տարոն Մարգարյան. Մանկապարտեզների աշխատակիցների համար նախատեսում ենք պարտադիր բժշկական ապահովագրություն
«Մենք հստակ գիտակցում ենք մեր քաղաքացիների պահանջը»,- Երևանի ավագանու ընտրությունների նախընտրական քարոզարշավի շրջանակում Նոր-Մարաշ վարչական շրջանի բնակիչների հետ հանդիպմանը հայտարարեց գործող քաղաքապետ Տարոն Մարգարյանը:
Նա առանձնացրեց տրանսպորտի խնդիը, ասաց, որ չորս տարի առաջ նախաձեռնել էին փոփոխություններ, գիտակցելով, որ ճգնաժամ է լինելո, հիմա այդ ճգնաժամն է:
«Մեր ընդդիմախոսները հայտարարում էին, թե քաղաքային իշխանությունը վախեցնում է մարդկանց, որ մենք վատ տրանսպորտ ենք ունենալու: Հիմա այդ ճգնաժամն է»,-ասաց նա:
Մարգարյանն ասաց, իրենք ձեռքները ծալած չեն նստել, միջազգային փորձն են ուսումնասիրել այս ոլորտում, առաջիկա ամիսներին ձեռնամուխ կլինեն փոփոխությունների իրականացմանը: Վստահություն հայտնեց, որ այդ թիմով կարող են:
Անդրադառնալով առողջապահության ոլորտի անելիքներին, ՀՀԿ ցուցակը գլխավորող թեկնածուն ասաց, որ պարտադիր ապահովագրություն են նախատեսում մանկապարտեզների աշխատակիցների համար:
«Բոլորը պետք է ունենան պարտադիր բժշկական ապահովագրություն»,-ասաց նա:
Քաղաքապետն ասաց, որ վարչական այդ շրջանում մանկապարտեզները վերանորգվել են, բացվել է սպորտ դպրոց, շախմատի դպրոց, հաջորդ տարիներին վերանորոգելու են առողջապահական հիմնարկները, գույք են տրամադրելու:
«Նորք Մարաշում շատ խնդիրներ կան, մենք մանրամասն ուսումնասիրել ենք: Վստահ եղեք, որ մենք կարող ենք այս թիմով լուծել: Ամեն բան անելու ենք, որ երևանցին աչքը արտասահման չնետի, այլ իմանա, որ իր քաղաքքում այդ ամենը կա»,-ասաց Մարգարյանը:
Նա կոչ արեց մայիսի 14-ին վստահություն հայտնել այն թեկնածուին, ով ժողովրդի մեջից է ու գիտի ժողովրդի դարդն ու ցավը:
Studio One