Արցախի նախագահը ԵՊԲՀ-ն կադրերի պատրաստման կարևորագույն դարբնոց է անվանել

Արցախի Հանրապետության Նախագահ Բակո Սահակյանը այսօր ընդունել է Մ. Հերացու անվան Երևանի պետական բժշկական համալսարանի (ԵՊԲՀ) պատվիրակությանը՝ բուհի ռեկտոր Արմեն Մուրադյանի գլխավորությամբ:

ԱՀ նախագահի աշխատակազմի տեղեկատվության գլխավոր վարչությունից հայտնում են, որ քննարկվել են Արցախում առողջապահության ոլորտի զարգացմանը, բժշկական կադրերի պատրաստմանն ու վերապատրաստմանն առնչվող տարբեր հարցեր:

Երկրի ղեկավարը ԵՊԲՀ-ն անվանել է Արցախում բժշկական կադրերի պատրաստման կարևորագույն դարբնոցներից մեկը՝ արժևորելով ամուր կապերի պահպանման անհրաժեշտությունը:

Հանդիպմանը մասնակցել են ԼՂՀ առողջապահության նախարար Կարինե Աթայանը, պաշտոնատար այլ անձինք: