Տասը ամսում հակառակորդի կողմից արձակված կրակոցների արդյունքում 20 զոհ ենք ունեցել. Արցախի ՄԻՊ

2016 թվականի մայիսի 1-ից մինչև 2017 թվականի փետրվարի 28-ն ընկած ժամանակահատվածում մենք ունեինք հակառակորդի կողմից արձակված կրակոցների արդյունքում 20 զոհ, որը համարում ենք շատ մեծ թիվ»,- Երևանում լրագրողների հետ հանդիպմանն ասաց Արցախի Հանրապետության մարդու իրավունքների պաշտպան Ռուբեն Մելիքյանը:

Նրա խոսքով, իրենք բարձրաձայնում են, որ Ադրբեջանը շարունակաբար թույլ է տալիս հրադադարի ռեժիմի խախտումներ:

«Մենք պետք է կարողանանք միջազգային հանրության համար հասկանալի լեզվով մատուցել, ստեղծել տեղեկատվություն այդ խախտումների մասին, ինչն անում ենք»,- նշեց Ռ. Մելիքյանը: