Ամենից շատ կարդացված նյութեր
.jpg "Մենք կանենք հնարավորը, որպեսզի մեր երիտասարդները ստանան որակյալ կրթություն. Արցախի նախագահ")
Մենք կանենք հնարավորը, որպեսզի մեր երիտասարդները ստանան որակյալ կրթություն. Արցախի նախագահ
«Մեր հանրապետությունում առանցքային տեղ է հատկացվում կրթության և գիտության զարգացմանը, և այս ուղղությամբ իրականացվում են տարբեր ծրագրեր, որոնք ըստ ամենայնի նպաստում են մատաղ սերնդի ուսման մակարդակի բարձրացմանը, դպրոցների շենքային պայմանների բարելավմանը, տեխնիկական հագեցվածության ապահովմանը»,-Արցախի նախագահի աշխատակազմի տեղեկատվության գլխավոր վարչության փոխանցմամբ՝ այս մասին նշել է Արցախի Հանրապետության նախագահ Բակո Սահակյանը։
Արցախի նախագահը թեմային անդրադարձել է այսօր՝ նախագահական նստավայրում 2016-2017 ուսումնական տարվա դպրոցականների առարկայական օլիմպիադայի ՀՀ եզրափակիչ փուլում մրցանակային տեղեր գրաված և գովասանագրերի արժանացած ԼՂՀ աշակերտների և նրանց ուսուցիչների պարգևատրման հանդիսավոր արարողության ժամանակ։
Արցախի նախագահի խոսքով՝ նաև ժամանակակից կրթական համակարգն է հանդիսանում երկրի դեմքը. «Մենք կանենք հնարավորը, որպեսզի մեր երիտասարդներն ստանան որակյալ կրթություն, լինեն բազմակողմանի զարգացած և քայլեն ժամանակին համընթաց»։
Studio One