Նախօրեի միասնական քննության վերաբերյալ որևէ ահազանգ չի եղել. ԳԹԿ

Նախօրեին հանձնած «Կենսաբանություն», «Աշխարհագրություն», «Համաշխարհային պատմություն» առարկաներից միասնական քննության վերջնական արդյունքները դիմորդներին հայտնի կլինեն հինգ օր հետո։

Գնահատման և թեստավորման կենտրոնի արտաքին համագործակցության բաժնից Panorama.am-ին հայտնեցին, որ քննություններն ընթացել են նորմալ, հանդարտ մթնոլորտում, որևէ ահազանգ չի եղել։

Նշենք, որ հաջորդ միասնական քննությունը դիմորդները կհանձնեն հունիսի 6-ին՝ «Հայոց լեզու և գրականություն» առարկայից։