Ձերբակալվել է Թուրքիայի վարչապետի խորհրդականը

Թուրքիայում ձերբակալվել է վարչապետի գլխավոր խորհրդական Բիրոլ Էրդեմը: Վեստի.ռու կայքը, հղում անելով Anadolu-ին, գրում է, որ նրան կասկածում են ընդդիմադիր իսլամական քարոզիչ Ֆեթուլլահ Գյուլենի կազմակերպության հետ կապերի մեջ:  Ներկա պահին Էրդեմը գտնվում է Անկարայում՝ կալանքի տակ: Նրա հետ ձերբակալել են նաև կնոջը:

Թուրքիայի իշխանությունները մեղադրում են Գյուլենի կազմակերպությանը 2016 թ. հուլիսի 16-ին զինված հեղաշրջման փորձի մեջ, որն արագ ճնշել էին անվտանգության ուժերը: