Մեկնարկել են Թուրքիայի, Ադրբեջանի և Վրաստանի համատեղ զորավարժությունները

Հունիսի 4-ին Թբիլիսի մերձակայքում գտնվող Վազիանի ռազմաբազայում Թուրքիայի, Ադրբեջանի և Վրաստանի զինված ուժերի (ԶՈՒ) մասնակցությամբ մեկնարկել են ամենամյա «Կովկասի արծիվ-2017» զորավարժությունները:

Գրում է «Էրմենիհաբեր»-ը՝ վկայակոչելով Թուրքիայի զինուժի գլխավոր շտաբին: Զորավարժությունները նպատակ ունեն զարգացնել երեք երկրների հատուկջոկատայինների միջև համագործակցությունը և  նպաստել փորձի փոխանակմանը:

Թուրքիան նշյալ զորավարժությաններին ներկայացված է լինելու հատուկջոկատայինների 1 խմբով,  1 դիպուկահարով, 2 ուղղաթիռով, ինչպես նաև 1 բեռնատար ինքնաթիռով: Զորավարժությունները կտևեն մինչև հունիսի 14-ը: