Կարեն Տոնականյանն ապահովել է աշխարհի առաջնության ուղեգիր

Խարկովում ընթացող բռնցքամարտի Եվրոպայի առաջնությունում 60 կգ քաշային Կարեն Տոնականյանը հաղթել է Բուլղարիան ներկայացնող Էլիան Դիմիտրովին և մտել քառորդ եզրափակիչ։ ՀԱՕԿ-ի հաղորդմամբ, Տոնականյանը միաժամանակ ապահովել է աշխարհի առաջնության ուղեգիր:

Նախօրեին ռինգ մտած Հայաստանի մյուս ներկայացուցիչները՝ 75 կգ Արման Դարչինյանն ու 91 կգ Նարեկ Մանասյանը պարտվել են 1/8 եզրափակչում։

Եվրոպայի առաջնությունում Հայաստանի ներկայացուցիչներից պայքարը շարունակում են Հովհաննես Բաչկովն ու Կարեն Տոնականյանը: