Փարիզում ձերբակալված հայը փորձել է վրեժ լուծել իսլամիստների իրականացրած հարձակումների համար

Փարիզի Կրետեյ շրջանում մի մարդ փորձել է վրաերթի ենթարկել մզկիթի մոտ կանգնած մարդկանց: Նա ձերբակալվել է: Բի-Բի-Սի-ն գրում է, որ ոստիկանության հաղորդմամբ, միջադեպի հետևանքով որևէ մեկը չի տուժել: Հարձակման շարժառիթները դեռևս հայտնի չեն:

Parisien թերթը հայտնում է, որ կասկածյալը հայկական ծագում ունի, հայտարարել է, որ ցանկացել է վրեժ լուծել Փարիզում վերջին տարիներին իսլամիստների կողմից իրականացված հարձակումների  համար:

Ֆրանսիայում 2015 թ. Փարիզում հարձակումից հետո գործում է արտակարգ դրության ռեժիմ: Չնայած ուժեղացված անվտանգության, ֆրանսիական իշխանություններին չի հաջողվել  կանխել մի քանի լուրջ ահաբեկչություններ, որոնց հետևանքով տասնյակ մարդիկ են զոհվել: