Ամենից շատ կարդացված նյութեր
.png "«Եվրատեսիլ»-ի կանոնակարգերում փոփոխություններ են կատարվել")
«Եվրատեսիլ» երգի միջազգային մրցույթի կազմակերպիչները միջոցառման անցկացման կանոնակարգերում որոշ փոփոխություններ են կատարել: Գազետա.ռու կայքը գրում է, որ փոփոխությունները կապված են այս տարի մրցույթի շուրջ առաջացած վեճի հետ. ՌԴ-ն ցանկացել էր մրցույթն ընդունող երկիր՝ Ուկրաինա, ուղարկել երգչուհի Յուլյա Սամոյլովային, ում մուտքն այդ երկիր արգելված է եղել:
Մրցույթի պաշտոնական կայքում հրապարակված հաղորդագրության համաձայն, «Եվրատեսիլ-2017» երգի միջազգային մրցույթը Կիևում ստվերվեց մի քանի ոչ ցանկալի միջադեպերով, որոնցից շատերի պատճառով հնարավոր էր մրցույթը տեղափոխվեր Ուկրաինայից: ԵՀՄ-ից ընդգծում են, որ «ամենատհաճ խնդիրը» ռուս երգչուհու մուտքի արգելքն էր Ուկրաինա, քանի որ նա արդեն այցելել էր Ղրիմ:
ԵՀՄ –ից այտնում են, որ մի քանի փոփոխություններ են կատարել մրցույթի կանոնոնակարգերում: Նոր կանոնների համաձայն, ազգային հեռարձակողն այժմ չպետք է իր պատվիրակության կազմում ներառի անձանց, որոնց մուտքը տվյալ երկիր արգելված է: Փոփոխություններ կան նաև նախապատրաստական ժամանակացույցում. այժմ Եվրոպական հեռարձակողների միությունն իրավունք է վերապահում իրեն որևէ ուշացման պարագայում մրցույթի կազմակերպման իրավունքը փոխանցել այլ հեռարձակողի:
Studio One