Հալեպի Հին քաղաքը հնարավոր է վերականգնել

ՅՈՒՆԵՍԿՕ-ում կարծում են, էր սիրիական Հալեպի Հին քաղաքը, որը ավերվել է «Իսլամական  պետություն» ահաբեկչան խմբավորման գրոհայինների հետ մարտերում, հնարավոր է վերականգնել:

Ռիա նովոստիի հաղորդմամբ, կազմակերպության ներկայացուցիչ Մազեն Սամման  ասել է, որ  գաղափար ունեն վերականգնել Հին քաղաքն  հենց այն տեսքով, ինչպիսին եղել է մինչև պատերազմ: Նրա խոսքով, նախորդ վերականգնումից պահպանվել են Հին քաղաքի միջնադարյան մզկիթի, շուկայի, բաղնիքի, միջնաբերդի  նախագծերը:

Միաժամանակ նշվում է, որ այդ փաստաթղթերը բավարար չեն ամբողջ շրջանի վերականգնման համար: Որպեսզի Հին քաղաքին վերադարձվի նախկին տեսքը, անհրաժեշտ է «տեղական ջանքերը»:
ՅՈՒՆԵՍԿՕ-ի մասնագետները նախատեսում են արհեստավորների համար բացել դպրոց՝ վերակենդանացնելու նախկին գիտելիքներն ու հմտությունները, որը կնպաստի Հին քաղաքի վերականգնմանը: