Բասկետբոլի Հայաստանի հավաքականն առաջին պարտությունն է կրել

2019 թվականի բասկետբոլի աշխարհի առաջնության ընտրական փուլի A խմբում Հայաստանի հավաքականն առաջին պարտությունն է կրել: ՀԱՕԿ-ի պաշտոնական կայքից տեղեկանում ենք, որ Սարաևոյում մեր ընտրանին 85:98 հաշվով զիջել է  Բոսնիա և Հերցեգովինայի հավաքականին:

Առաջին քառորդը հայ բասկետբոլիստներն ավարտել են հավասար պայքարում 23:23: Սակայն երկրորդ քառորդից սկսած բոսնիացիները առավելություն են ստացել՝ մեծ ընդմիջումից առաջ հաշիվը դարձնելով 52:44

Երրորդ քառորդում բոսնիացիները կրկին առջևում են եղել՝ 73 :60: Վերջին՝ չորրորդ քառորդում, մերոնք զիջել են 13 միավորի տարբերությամբ:

Հայաստանի հավաքականը հաջորդ հանդիպումը նույնպես կանցկացնի մրցակցի հարկի տակ, օգոստոսի 12-ին կհանդիպի Սլովակիայի ընտրանու հետ: