Կարեն Մովսիսյանը՝ շախմատի վետերանների Եվրոպայի չեմպիոն

Իսպանիայի Սաբադել քաղաքում ավարտվել է շախմատի վետերանների Եվրոպայի առաջնությունը: 50-ից բարձր տարիքային խմբի մրցաշարի հաղթող է դարձել Հայաստանի ներկայացուցիչ Կարեն Մովսիսյանը:

ՀԱՕԿ լրատվականի փոխանցմամբ՝ հայաստանցի գրոսմայստերն 9 հնարավորից վաստակել է 7 միավոր: Կես միավորով նրան զիջել են ռուսաստանցի շախմատիստներ Եվգենի Կալեգինը և Գենադի Տունիկը:

Մրցաշարին (9 տուր) մասնակցել է  51 շախմատիստ: