Նոր ուստարում ընդհանուր առմամբ կմիավորվի շուրջ 14 դպրոց. Լևոն Մկրտչյան

ՀՀ կրթության և գիտության նախարար Լևոն Մկրտչյանը գործադիրի այսօրվա նիստից հետո լրագրողների հետ զրույցում անդրադառնալով դպրոցների օպտիմալացմանը, նշեց, որ դպրոցների միավորումը նոր չէ, դեռևս գարնանից սկսված գործընթաց է և դա, ըստ նրա, օպտիմալացում չէ:

Նախարարի խոսքերով՝ նոր ուսումնական տարում ընդհանուր առմամբ կմիավորվի 14 դպրոց:

«Այն դպրոցներում, որոնք ունեն 60-80 աշակերտ, հոսքային ուսուցում կիրառելը հնարավոր չէ: Եթե դպրոցները մոտիկ են փորձել ենք միացնել: Միավորվում են այն դպրոցները, որտեղ կրթական որակ ապահովելը շատ դժվար էր»,- նշեց Լևոն Մկրտչյանը:

Թափուր շենքերի հարցը ևս կլուծվի, օրինակ` մեկ քոլեջ կտեղավորվի դպրոցներից մեկում:

Մանրամասները՝ տեսանյութում: