ԱԱ. Լևան Բերիանիձեն կպայքարի բրոնզե մեդալի համար

Փարիզում ընթացող ըմբշամարտի աշխարհի առաջնությունում այսօր մեկնարկել են ազատ ոճի ըմբիշները:

ՀԱՕԿ լրատվականի փոխանցմամբ՝ 125 կգ քաշային կարգում Հայաստանի ներկայացուցիչ Լևան Բերիանիձեն կպայքարի բրոնզե մեդալի համար:

Բերիանիձեն մեկնարկել է 1/8 եզրափակչից, որտեղ տեխնիկական հաղթանակ տարավ՝ մրցակցի չներկայանալու պատճառով: Քառորդ եզրափակչում մեր ըմբիշը հաղթել է Ղրղզստանի ներկայացուցիչ Այան Լազարևին: Սակայն, Բերիանիձեին չի հաջողվել անցնել եզրափակիչ: Նա կիսաեզրափակչում զիջել է վրացի Գենո Պետրիշվիլիին: Մի քանի ժամից Լևան Բերիանիձեն կգոտեմարտի երրորդ տեղի համար:

Այսօր գորգ են մտել նաև 57 կգ քաշային Գարիկ Բարսեղյանը և 61 կգ Վալոդյա Ֆրանգուլյանը: Բարսեղյանն որակավորման փուլում առավելության է հասել իսրայելցի Յուրի Հոլուբի նկատմամբ, բայց 1/8 եզրափակչում պարտվել է ղազախ Նուրիսլամ Սանաևին ու դուրս մնացել հետագա պայքարից:

Ֆրանգուլյանն էլ պայքարը լքել է որակավորման փուլից, որտեղ զիջել է Ղազախստանի ներկայացուցիչ Դաուլեթ Նիյազբեկովին: