Մալաքյանը, ամենայն հավանականությամբ, չի մասնակցի Հայաստան-Դանիա հանդիպմանը

Ազգային հավաքական հրավիրված 24 ֆուտբոլիստներից բաց մարզմանը մասնակցել են 22 ֆուտբոլիատներ:

Արմեն Համբարձումյանն արդեն լքել է հավաքականի ճամբարը և վերադարձել է Ռուսաստան, իսկ Գոռ Մալաքյանը, ով փոխարինվեց Ռումինիայի հավաքականի հետ հանդիպման ընդմիջմանը՝ չմասնակցեց մարզմանը վնասվածքի պատճառով:

ՀՖՖ մամուլի ծառայության փոխանցմամբ, Մալաքյանը, ամենայն հավանականությամբ, չի մասնակցի նաև Հայաստան-Դանիա հանդիպմանը:

Չնայած ռումինացիների հետ խաղում ստացած կարմիր քարտին, մարզմանը մասնակցում էր նաև Տարոն Ոսկանյանը` երկկողմանի խաղի համար համապատասխան քանակ ապահովելու համար:

Հիշեցնենք, որ Հայաստան-Դանիա հանդիպումը կկայանա սեպտեմբերի 4-ին՝ ժամը 20:00-ին՝ Վազգեն Սարգսյանի անվան «Հանրապետական» մարզադաշտում: