Խոլերայի համաճարակ Եմենում

Խոլերայի համաճարակ Եմենում. վարակված է ավելի քան 600 հազար մարդ։ Վարակվածների թիվն ամեն օր ավելանում է։ «ՌԻԱ Նովոստիի» փոխանցմամբ, այս մասին հայտնել են Առողջապահության համաշխարհային կազմակերպությունից։

ԱՄՀ տվյալներով, հիվանդության հետևանքով մահացել է 2048 մարդ։ Վարակվածների թիվն օրական ավելանում է մոտ 3 հազարով, սակայն հիվանդության տարածվածությունը փոքր առ փոքր մարում է։

Համաճարակից ամենաշատը տուժել են Ալ Խոդեյդա, Ամանաթ ալ Ազիմահ, Հաջա և Ամրան նահանգներում։