Արթուր Բաղդասարյանի հեռուստաընկերությունում ամիսներով աշխատավարձ չեն վճարել. «Ժամանակ»

ՀՎԿ առաջնորդ Արթուր Բաղդասարյանին պատկանող Հ3 հեռուստաընկերությունում  անչափ տխուր  վիճակ է  ստեղծվել։  Աշխատակիցները  ամիսներով  աշխատավարձ  չեն ստանում, ծրագրերը փակվում են, աշխատակիցները դուրս են գալիս  աշխատանքից։

«Ժամանակ»-ի  տեղեկություններով՝ վերջին անգամ  Հ3-ում  աշխատավարձ են ստացել  ապրիլ-մայիս  ամսին, այն էլ՝ մասնակի։  Աշխատակիցներ կան, որ 6 ամսով  փող չեն ստացել, իսկ եթե անգամ աշխատավարձը վճարում էլ են, ապա 3 անգամից՝ կես-կես։  Երբ աշխատակիցները  աշխատավարձ վճարելու  պահանջով  դիմում են  տնօրինությանը, միայն զայրացած հայտարարության են արժանանում, թե՝ որ փող լիներ, կվճարեին։