Ամենից շատ կարդացված նյութեր
.jpg "Բլոգեր Լապշինն ազատ է արձակվել")
Ադրբեջանում երեք տարվա ազատազրման դատապարտված Իսրայելի և Ռուսաստանի քաղաքացի, բլոգեր Ալեքսանդր Լապշինն ազատ է արձակվել: Ռիա նովոստիին այս մասին հայտնել է բլոգերի փաստաբան Էդուարդ Չերնինը։
Հիշեցնենք, որ Ադրբեջանի նախագահ Իլհամ Ալիևը նախօրեին ստորագրել էր նրան ներում շնորհելու մասին կարգադրություն:
«Լապշինն ազատվել է: Բայց հազիվ թե այսօր արտաքսվի Ադրբեջանից»,- հայտնել է Չերնինը:
Հարցին, թե ի՞նչ խնդիրներ կան Լապշինի արտաքսման հետ կապված, փաստաբանն ասել է, որ «այդ մասին որևէ բան չի կարող ասել»:
«80 տոկոսով Լապշինն այսօր չի արտաքսվի Ադրբեջանից: Կեսօրից հետո պարզ կլինի»,- ասել է Է. Չերնինը:
Հիշեցնենք, որ Արցախ այցելած Իսրայելի ու Ռուսաստանի քաղաքացի հանդիսացող բլոգերին ձերբակալեցին Բելառուսի մայրաքաղաք Մինսկում, ապա հանձնեցին Բաքվին: Պատճառն այն է, որ Արցախ այցելելուց հետո նրան արգելված էր այցելել Ադրբեջան, իսկ Լապշինը կարողացել էր մուտք գործել այդ երկիր Ուկրաինայի անձնագրով: Այս տարվա հուլիսի 20-ին ադրբեջանական դատարանի որոշմամբ նա դատապարտվել է երեք տարվա ազատազրկման։
Studio One