Իրանը փորձարկել է նոր բալիստիկ հրթիռ

Իրանական իշխանությունը փորձարկել է  Khorramshahr նոր բալիստիկ հրթիռ: Ռիա նովոստին, հղում անելով PressTV-ին, գրում է, որ թռիչքի հեռավորությունը եղել է 2000 կմ, այն կարող է մի քանի մարտագլխիկ կրել:

Հրթիռի գործարկման տեսանյութը ներկայացրել է Իրանի պետական հեռուստա-ռադիոընկերությունը:  Փորձարկման տեղի և ժամի մասին չի հաղորդվում:

Նախօրեին հրթիռը ներկայացվել էր հանրությանը Թեհրանում ռազմական շքերթի ժամանակ, որին ներկա էր Իրանի նախագահը, բանակի բարձրաստիճան ներկայացուցիչներ: