Ամենից շատ կարդացված նյութեր
.jpg "«Մենք ցանկանում ենք աշխատել Հայաստանի կառավարության հետ, որպեսզի Հայաստանը գրավիչ լինի առևտրի համար»")
«Մենք ցանկանում ենք աշխատել Հայաստանի կառավարության հետ, որպեսզի Հայաստանը գրավիչ լինի առևտրի համար»
Միացյալ Թագավորությունն ուզում է առևտուրն ավելացնել Հայաստանում: Երևանում ՀՀ արտաքին գործերի նախարար Էդվարդ Նալբանդյանի հետ համատեղ ասուլիսում հայտարարեց Միացյալ Թագավորության Եվրոպայի և Ամերիկաների հարցերով պետնախարար Ալեն Դանքնը:
«Մի քանի մոտեցումներ, տեսանկյուններ կան: Նախ՝ մենք ցանկանում ենք աշխատել Հայաստանի կառավարության հետ, որպեսզի Հայաստանը գրավիչ լինի առևտրի համար: Ունենալ լավ բիզնես միջավայր, լավ բիզնես կլիմա, այդ պարագայում է, որ ներդրողերը սկսում են գալ: Մի շատ լավ քայլ կա, որը փորձում եք անել՝ Արդյունահանող ճյուղերի թափանցիկության նախաձեռնությանը միանալու գործընթացն է: Ակնկալում եք այդ նախաձեռնությանը միանալ մյուս տարի, որը աշխարհին ցույց է տալիս, որ հանքարդյունաբերության ոլորտում Հայաստանը շատ բարձր չափանիշ է ձևակերպել: Այդ պարագայում է, որ աշխարհի ներդրողները որոշում են գնալ կոնկրետ պետություն»,- ասաց նա:
Ալեն Դանքնն ընդգծեց, որ այլ ոլորտներում նույնպես կցանկանային գտնել ուղիներ՝ ավելի շատ բիզնես իրականանցնելու. «Այդ նպատակով էլ հենց առևտրի ներկայացուցիչ ենք նշանակել, ով կգա, կուսումնասիրի ոլորտները»:
Միացյալ Թագավորության Եվրոպայի և Ամերիկաների հարցերով պետնախարարը նաև ասաց, որ Հայաստան է բերել վարչապետ Թերեզա Մեյի բարեմաղթանքը:
«Այս ժամանակներում, երբ բանակցում ենք մեր հեռանալը Եվրամիությունից, կարևոր ուղերձ եմ բերել. հեռանալու ենք Եվրամիությունից, բայց չենք հեռանալու Եվրոպայից, աշխարհից: Մենք շարունակելու ենք լիակատար դերակատարում ունենալ միջազգային բեմահարթակում ՄԱԿ-ի, ՆԱՏՕ-ի, ԵԱՀԿ-ի միջոցով և հատկապես հետաքրքրություն ցուցաբերելու աշխարհի այս տարածաշրջանի նկատմամբ պաշտպանության, անվտանգության և առևտրի հարցերով»:
Studio One