ՎՏԲ-Հայաստան Բանկն ընդլայնել է վճարային տերմինալների ցանցը

Հաճախորդների սպասարկման որակի բարձրացման, մասնաճյուղերում հաճախորդների հոսքի արդյունավետ կառավարման, հաճախորդների հավատարմության աճի և ինքնասպասարկման գոտիների ստեղծման նպատակով Բանկը.

• հերթերի կառավարման համակարգով  վերազինել է լրացուցիչ 10 մասնաճյուղ Երևանում և մարզերում, իսկ մինչև տարեվերջ կապահովի հերթերի կառավարման համակարգի առկայությունը Բանկի ողջ մասնաճյուղային ցանցում,
• տեղադրել է ավելի քան 15 լրացուցիչ վճարային տերմինալ  մասնաճյուղերում, որոշ մասնաճյուղերում հասցնելով դրանց թիվը երկուսի, այդպիսով 90% - ի չափով  ծածկելով մասնաճյուղային ցանցը հերթերի էլեկտրոնային կառավարման համակարգով և վճարային տերմինալներով:

Բանկի հասարակայնության հետ կապերի բաժնից հայտնում են, որ հերթերի կառավարման համակարգն օգնում է Բանկին միաժամանակ լուծել երկու հիմնական խնդիր.

• ստեղծում և պահպանում է սպասարկման միասնական կորպորատիվ չափորոշիչները,
• ստեղծում է հարմարավետ սպասարկման մթնոլորտ հաճախորդների համար:

Բացի այդ, վերջերս մեկնարկած EarlyOne ծառայության շնորհիվ ՎՏԲ-Հայաստան Բանկի հաճախորդները ունեն գերազանց հնարավորություն սմարթֆոնների համար հատուկ հավելվածի միջոցով նախապես հեռավար եղանակով ամրագրել հերթ նախընտրելի ժամանակ, ամսաթվին և մասնաճյուղում և սպասարկվել անմիջապես մասնաճյուղայցելության պահին առանց հերթում սպասելու:

ՎՏԲ-Հայաստան Բանկը ապահովել է նաև մասնաճյուղային ցանցի 50%-ը անվճար ինտերնետ կապով, ինչի արդյունքում հաճախորդները կկարողանան համատեղել  հերթում անցկացված ժամանակը իրենց համար օգտակար զբաղմունքով (կարդալ նորություններ, շփվել հարազատների հետ և այլն):

Բանկի իրավաբանական և ֆիզիկական անձ հանդիսացող հաճախորդները արդեն իսկ գնահատել են տերմինալների միջոցով բանկային և ոչ բանկային վճարումների  իրականցման հարմարավետությունը, ինչը թույլ է տալիս ակնթարթորեն առցանց լիցքավորել իրենց հաշիվները/քարտերը և ավանդները, մարել վարկերը, կատարել  կոմունալ և այլ վճարումներ, չսպասելով հերթում: