Սամցխե-Ջավախքը մեծ տուրիստական պոտենցիալ ունի. Վրաստանի վարչապետ

«Սամցխե-Ջավախքը մեծ տուրիստական պոտենցիալ ունի և մեր պարտքն է օգտվել այս ուժից»,- Ախալցխայում հայտարարել է Վրաստանի վարչապետ Գիորգի Կվիրիկաշվիլին: 

akhaltskha.net-ի հաղորդմամբ, նա  Ախալցխա էր գնացել ներկայացնելու Վրացական երազանք-դեմոկրատական Վրաստան» կուսակցության  Սամցխե-Ջավախքի շրջանի քաղաքապետի թեկնածուներին:

Գիորգի Կվիրիկաշվիլու խոսքով, միայն  2015-2017 թվականներին   Սամցխե-Ջավախքում կառուցվել է  15 նոր հյուրանոց, այդ թվում ` միջազգային չափանիշների համապատասխանով և ընտանեկան տիպի հյուրանոցներ:

«Վրացական երազանք-դեմոկրատական Վրաստան» կուսակցությունը  Ախալցխայի քաղաքապետի թեկնածու է առաջադրել Զազա Մելիքիձեին: Նա նշել է, որ իր հաղթանակի դեպքում քաղաքապետարանում կշարունակվեն ծրագրված բոլոր ենթակառուցվածքային նախագծերը:

«Ինձ համար մեծ պատիվ է լինել Ախալցխայի քաղաքապետի թեկնածու: Սա իսկապես մեծ պատասխանատվություն է:  Իհարկե, հասարակության հետ ես ծրագրելու և կիրականացնելու եմ այն ծրագրերը, որոնք անհրաժեշտ են Ախալցխային», — ասել է Զազա Մելիքիձեն: