Այսօր կմեկնարկի մարմնամարզության աշխարհի առաջնությունը

Կանադական Մոնրեալ քաղաքում մեկնարկում է մարմնամարզության աշխարհի առաջնությունը, որտեղ Հայաստանի Հանրապետությունը ներկայացնելու են երեք մարզիկներ՝ Արթուր Դավթյանը, Վահագն Դավթյանը և Հարություն Մերդինյանը:

Սպորտի և երիտասարդության հարցերի նախարարության մամուլի ծառայությունից հայտնում են, որ հայ մարզիկները Կանադա են մեկնել Հայաստանի մարմնամարզության ազգային հավաքականի գլխավոր մարզիչ Հակոբ Սերոբյանի գլխավորությամբ: Նրանք մրցելույթները կսկսեն առաջնության առաջին օրը՝ հոկտեմբերի 2-ին:

Մարմնամարզության աշխարհի առաջնությունն ընթանալու է հոկտեմբերի 2-ից 8-ը: Մրցաշարին մասնակցում է 500 մարզիկ՝ աշխարհի 80 երկրներից: