Ջորջ Քլունին կստանա Կինոարվեստի ամերիկյան ինստիտուտի պատվավոր մրցանակը

Դերասան և  ռեժիսոր Ջորջ Քլունին ստանալու է Կինոարվեստի ամերիկյան ինստիտուտի պատվավոր մրցանակը: Գազետա.ռու-ն, հղում անելով Associated Press-ին, գրում է, որ արտիստի պատվին գալա-երեկոն կայանալու է 2018 թ. հունիսին:

Ինստիտուտից նշել են, որ Քլունին էկրանի ժամանակակից պատկերն է՝  համադրելով անցնող ժամանակների գլամուրը կինոյի սահմաններից դուրս ակտիվ աշխատանքի հետ:

56-ամյա դերասանի համար սա նմանատիպ առաջին մրցանակը չէ: 2015 թ. Օտարերկրյա մամուլի հոլիվուդյան ասոցիացիան նրան շնորհել էր մրցանակ կինեմատոգրաֆիայում ունեցած ակնառու վաստակի համար: