ՌԴ կառավարությունը թույլատրել է թուրքական լոլիկի ներկրումը Ռուսաստան

ՌԴ կառավարությունը թույլատրել է թուրքական լոլիկների ներկրումը ռուսական շուկա՝ գյուղատնտեսության նախարարության հետ համաձայնեցված ծավալներով։ Այս մասին գրում է «Լենտա.ռու»-ն՝ վկայակոչելով գերատեսչության կայքի պաշտոնական տեղեկատվությունը։

«Կատարված փոփոխությունը թույլ կտա 2017 թվականի նոյմեբերի 1-ից սկսած՝ թուրքական լոլիկ ներմուծել ռուսական ծուկա»,- ասված է փաստաթղթում։

Ռուս-թուրքական միջկառավարական հանձնաժողովի ռուսական հատվածի նախագահ Ալեքսանդր Նովակն ավելի վաղ հայտարարել էր, որ թուրքական լոլիկի ներկրման արգելքը կհանվի նոյեմբերի 1-ից։ Ընդ որում, գյուղնախարարությունն առաջարկում է ներմուծման ծավալները սահմանափակել տարեկան 50 հազար տոննայով։