Ռուսական հեռուստաալիքը հաղորդում է պատրաստում Մխիթարյանի մասին

Ռուսական «Матч ТВ» հեռուստաալիքը հաղորդում է պատրաստում Հայաստանի ազգային հավաքականի և անգլիական «Մանչեսթեր Յունայթեդ» ակումբի ֆուտբոլիստ Հենրիխ Մխիթարյանի մասին։

«Հենրիխը՝ շուտով` «Match TV»-ի եթերում»,- այս մասին «Ինստագրամի» իր էջում հայտնել է հեռուստաալիքի մեկնաբան Նոբել Առուստամյանը։

Նշենք, որ «Матч ТВ»-ին առաջին անգամ չէ, որ անդրադառնում է հայազգի ֆուտբոլիստին։ Ամիսներ առաջ «Матч ТВ»-ին ֆիլմ էր պատրաստել Մխիթարյանի մասին, որտեղ պատմում էր նրա ընտանիքի, մանկության ու կարիերայի մասին։

Լուսանկարները՝ մեկնաբանի ֆեյսբուքյան էջից։