Հենրիխ Մխիթարյանի մասին պատմող վավերագրական ֆիլմը կցուցադրվի նոյեմբերի 16-ին

Հայաստանի ազգային հավաքականի ավագ,  անգլիական «Մանչեսթեր Յունայթեդ»-ի կիսապաշտպան Հենրիխ Մխիթարյանի մասին պատմող վավերագրական կինոնկարը կցուցադրվի «Մանչեսթեր Յունայթեդ»-ի պաշտոնական հեռուստաալիքով նոյեմբերի 16-ին: Այս մասին տեղեկանում ենք ակումբի ֆեյսբուքյան էջից:

manutd.com-ի հաղորդմամբ, «Միկի. Հայ հերոս» 60 րոպե տևողությամբ ֆիլմը կպատմի Մխիթարյանի անցած ճանապարհի մասին՝ բակային ֆուտբոլից մինչև ակումբային ֆուտբոլի ամենաբարձր մակարդակներ: