Քննարկել են Հադրութի սոցիալ-տնտեսական իրավիճակը

Արցախի Հանրապետության Նախագահ Բակո Սահակյանն այցելել է Հադրութի շրջան և անցկացրել աշխատանքային խորհրդակցություն շրջվարչակազմի պատասխանատուների և համայնքների ղեկավարների մասնակցությամբ։

Արցախի Հանրապետության նախագահի աշխատակազմի տեղեկատվության գլխավոր վարչության հաղորդմամբ, քննարկվել են շրջանի սոցիալ-տնտեսական իրավիճակին և մի շարք ծրագրերի իրականացման ընթացքին վերաբերող հարցեր։

Երկրի ղեկավարը կարևորել է աշխատանքների համակարգման բարձր մակարդակի պահպանումը և համապատասխան հանձնարարականներ տվել դրանց պատշաճ իրականացման ուղղությամբ։