Շախմատի Հայաստանի կանանց հավաքականն իներորդն է Եվրոպայի թիմային առաջնությունում

Հայաստանի կանանց հավաքականը շախմատի Եվրոպայի թիմային առաջնությունում զբաղեցրել է իներորդ տեղը: Եզրափակիչ տուրում Հայաստանի թիմը խոշոր՝ 0.5:3.5 հաշվով զիջել է Ռուսաստանի հավաքականին:

ՀԱՕԿ լրատվականից հայտնում են, որ միայն Լիլիթ Գալոյանը երրորդ խաղատախտակի առջև կարողացել է ոչ-ոքի խաղալ: Էլինա Դանիելյանը, Լիլիթ Մկրտչյանը և Մարիա Գեւորգյանը պարտություն են կրել:

Ռուսաստանի հավաքականը վստահ հաղթանակ է տարել առաջնությունում՝ իրենից հետ թողնելով Վրաստանի և Ուկրաինայի թիմերին: