Հայաստանում 75.1%-ով աճել է բանջարեղենի պահածոների արտադրությունը

ՀՀ ազգային վիճակագրական ծառայության հրապարակած տվյալների համաձայն՝ 2017 թվականի հունվար-սեպտեմբերին Հայաստանում արտադրվել է 14 629.4 տոննա պահածո, ինչը նախորդ տարվա նույն ժամանակահատվածի համեմատ աճել է 32.6 տոկոսով:

Հաշվետու ժամանակահատվածում արտադրվել է 7 313.7 տոննա բանջարեղենի պահածո` նախորդ տարվա հունվար-սեպտեմբերին գրանցված 4 177.7 տոննայի դիմաց (75.1%-ի աճ)։

Միաժամանակ ԱՎԾ-ի հրապարակած տվյալների համաձայն` այս տարվա հունվար-սեպտեմբերին  արտադրված պահածոներից  3 927.8 տոննան կազմել են մրգինը՝ 2016թ-ի նույն ժամանակահատվածում աճելով 17.8 տոկոսով,  206.9 տոննան՝ ձկան (աճը` 76.2%), 16.5 տոննա՝ խեցգետնի (81.4%-ի անկում), 597.9 տոննան՝ մսաբուսական (նվազում՝ 31.3%), 319.2  տոննան՝ մսի (անկումը՝ 27.5) պահածոները:

Նշված ժամանակահատվածում նաև արտադրվել է 2 247.4 տոննա  տոմատի պահածո, ինչը նախորդ տարվա հունվար-սեպտեմբերի համեմատ աճել է 12 տոկոսով:

Ինչ վերաբերում է կետչուպի արտադրությանը, ապա հաշվետու ժամանակահատվածում արտադրվել է  328.4 տոննա կետչուպ` 2016 թ-ի հունվար-սեպտեմբերին գրանցված  348.4 տոննայի դիմաց: