Բիլ Գեյթսը 100 մլն դոլար կվճարի հիվանդությունների հետազոտման համար

Microsoft ընկերության հիմնադիրներից մեկը` Բիլ Գեյթսը, 100 մլն դոլար կվճարի, Ալցհեյմեր և գլխուղեղի այլ հիվանդությունների դեմ պայքարի համար: Rbc-ի փոխանցմամբ՝ նա այս մասին ասել է Reuters-ին տված հարցազրույցում:

Միլիարդերը 50 մլն դոլար կուղղի Dementia Discovery Fund հիմնադրամին, որը հիմնված է Լոնդոնում:

Հիմնադրամի օգնությամբ բրիտանական կառավարությունը համագործակցում է ընկերությունների հետ, որոնք փնտրում են ուղեղի հիվանդությունների բուժման ուղիներ: Եվս 50 մլն դոլար Գեյթսը կնվիրաբերի ստարտափերին, ովքեր զբաղվում են Ալցհեյմեր հիվանդության հետազոտությամբ:

Նշենք, որ Forbes- ի տվյալներով, 2017 թվականին Բիլ Գեյթսի կարողությունը գնահատվում է 90 միլիարդ դոլար: