Ամենից շատ կարդացված նյութեր
.jpg "«Դեպք չեմ հիշում, որ խոստանում եմ, չեմ կատարում». վարչապետ")
Խորհրդարանում կառավարության հետ հարցուպատասխանի ժամանակ ՀՀԿ պատգամավոր Ֆելիքս Ցոլակյանը հարց ուղղեց վարչապետ Կարեն Կարապետյանին, թե ի՞նչ վիճակում է Ախուրյան գետի վրա կառուցվելիք Կապսի ջրամբարը:
«Մենք ներկայացրել ենք, որ հիմա մշակում ենք հանրապետության ջրային ստրատեգիան, ուզում ենք փոքր և միջին ջրամբարներն օգտագործել, որ բնապահպանական խնդիրները և ծախսերը, պոտենցիալ սպառողին ջրի մատուցման նվազագույնի հասցվի»,-պատասխանեց վարչապետը:
Նա տեղեկացրեց, որ այս պահին Կապսի ջրամբարի տեխնիկական առաջադրանքի վրա են աշխատում:
«Քննարկում ենք Շիրակի մարզից, Կապսի ջրամբարից դեպի Արմավիր տանել այնպիսի ուղի, որի պարագայում Ախուրյանի ջրամբարի ծավալները լինեն ավելի կառավարելի և ի օգուտ մեզ: Իսկ մնացած մանրամասները՝ ծավալ, քանակ, պատրաստ ենք գրավոր ներկայացնել»,-ասաց նա:
Արձագանքի ժամանակ Ցոլակյանը վարչապետին հիշեցրեց, որ նախընտրական հանդիպումների ժամանակ նա Սառնաղբյուր գյուղից մի մարդու խոստացել էր սոնոգրաֆիկ ապարատ, «Խնդրում եմ, ուղարկեք»։
«Ո՞ւմ եմ խոստացել»,-հարցրեց վարչապետը:
«Ընդհանրապես դեպք չեմ հիշում, որ խոստանում եմ, չեմ կատարում, բայց կվերհիշեմ»,-խոստացավ վարչապետը:
Studio One