Ամենից շատ կարդացված նյութեր
.jpg "Վարչապետն անհրաժեշտ է համարում կատարելագործել շինարարական թույլտվությունների տրամադրման գործընթացը")
Վարչապետն անհրաժեշտ է համարում կատարելագործել շինարարական թույլտվությունների տրամադրման գործընթացը
ՀՀ վարչապետ Կարեն Կարապետյանն անհրաժեշտ է համարում կատարելագործել շինարարական թույլտվությունների տրամադրման գործընթացը, պարզեցնել այդ ոլորտում իրականացվող վարչարարությունը և բարձրացնել դրա մատչելիության աստիճանը։
Գործադիրի այսօրվա նիստում Կարեն Կարապետյանը նշեց, որ «Գործարարությամբ զբաղվելը» 2018 թվականի զեկույցում անդրադարձ էր կատարվել շինարարական թույլտվությունների տրամադրման ոլորտին և արձանագրվել էին որոշակի խնդիրներ։
Վարչապետի խոսքով՝ ստեղծված իրավիճակը բացասաբար է ազդում նաև առհասարակ շինարարության ոլորտի զարգացման վրա։
«Օրենսդրության համաձայն՝ նշված թույլտվությունները տրամադրվում են տեղական ինքնակառավարման մարմինների կողմից, սակայն դրանց տրամադրման նորմատիվային մեխանիզմները պետք է լինեն հստակ, կանխատեսելի, իսկ կայացվող որոշումները խիստ պատճառաբանված։ Միաժամանակ գործող օրենսդրությամբ ոլորտային լիազոր մարմնին վերապահված չեն ողջամիտ վերահսկողական գործառույթներ»,- ասաց վարչապետը։
Ելնելով վերոնշյալից՝ Կարեն Կարապետյանը Տարածքային կառավարման և զարգացման նախարարին, Քաղաքաշինության պետական կոմիտեի նախագահին հանձնարարեց և առաջարկեց Երևանի քաղաքապետին՝ մեկամսյա ժամկետում համատեղ մշակել շինարարական թույլտվությունների տրամադրման գործընթացի պարզեցման, հստակեցման, գործուն էլեկտրոնային գործիքների ներդրման, ինչպես նաև ողջամիտ վերահսկողական մեխանիզմներ սահմանելուն ուղղված առաջարկություններ և դրանք ներկայացնել կառավարության աշխատակազմ:
Studio One