Ծանրամարտի 2018 թ. աշխարհի առաջնության մրցավայրը փոխվել է

Ծանրամարտի մեծահասակների 2018 թ. աշխարհի առաջնության մրցավայրը փոխվել է: Լիմայի փոխարեն տարվա կարևորագույն մրցաշարը կընդունի Թուրքմենստանի մայրաքաղաք Աշխաբադը: Այս մասին տեղեկացնում է ՀԱՕԿ պաշտոնական էջը՝ վկայակոչելով Ծանրամարտի միջազգային ֆեդերացիային (IWF):

IWF-ի գործադիր կոմիտեն միաձայն ընդունել է Թուրքմենստանի առաջարկը, քանի որ Պերուն հրաժարվել էր իր մայրաքաղաքում անցկացնել աշխարհի առաջնությունը: Աշխաբադն ԱԱ-ն կընդունի հաջորդ տարի նոյեմբերի 24-ից դեկտեմբերի 3-ը:

Այս տարվա աշխարհի առաջնությունը կմեկնարկի վաղը ԱՄՆ-ի Անահայմ քաղաքում: