Շավարշ Քոչարյան. Հենց Թուրքիան է փակում հայ-թուրքական հարաբերությունների կարգավորման խողովակները

Արտաքին գործերի փոխնախարար Շավարշ Քոչարյանը Panorama.am-ի հետ զրույցում արձագանքեց Թուրքիայի նախագահ Ռեջեփ Թայիփ Էրդողանի հայտարարությանը: Վերջինը մեղադրում է Հայաստանին Թուրքիայի հետ բարեկամական կապերը փակ պահելու համար:

Panorama.am- Պարո՛ն Քոչարյան, ինչպե՞ս կմեկնաբանեք Թուրքիայի նախագահ Էրդողանի հայտարարությունն առ այն, որ Հայաստանը փակում է երկկողմ համագործակցության բոլոր խողովակները:

ԱԳ փոխնախարար- Թուրքիայի հետ հարաբերությունների կարգավորման խողովակները քաջ հայտնի են: Դա 2009թ. Ցյուրիխում ստորագրված հայ-թուրքական արձանագրություններն են և դրանց վավերացումը: Քանի որ Թուրքիան հրաժարվեց այդ արձանագրությունների վավերացումից, հենց նա է փակել ու փակում հայ-թուրքական հարաբերությունների կարգավորման խողովակները: