Բրյուսովի անվան համալսարանի ռեկտոր է ընտրվել Կարինե Հարությունյանը

Երևանի Վալերի Բրյուսովի անվան պետական լեզվահասարակագիտական համալսարանը նոր ռեկտոր ունի։

Համալսարանի հասարակայնության հետ կապերի ծառայության փոխանցմամբ՝ նախօրեին տեղի ունեցած հիմնադրամի հոգաբարձուների խորհրդի նիստում փակ գաղտնի քվեարկության արդյունքների հիման վրա՝ 24 կողմ, 0 դեմ, 0 անվավեր ձայնով ԵՊԼՀ ռեկտոր է ընտրվել Կարինե Վիլիկի  Հարությունյանը:

Նշենք, որ մինչ այս նա զբաղեցրել է ՀՀ կրթության և գիտության նախարարի տեղակալի պաշտոնը։