Մյանմարում սպանվածներից 730 երեխա են

«Բժիշկներ առանց սահմանների» միջազգային կազմակերպությունը հայտարարել է, որ  ավելի քան 9 հազար մուսուլման-ռոհինի է մահացել օգոստոսի 25-ից սեպտեմբերի 24-ն ընկած ժամանակահատվածում: Նրանցից 6700-ը սպանվել են:

Հրապարակված զեկույցում  նշվում է, որ սպանվածներից 730-ը մինչև հինգ տարեկան երեխաներ են: Միաժամանակ ավելի քան 626 հազար մարդ Մյանմարից Բանգլադեշ է փախել:

«Մենք հանդիպել ու խոսել ենք Մյանմարից բռնության հետևանքով փախած մարդկանց հետ: Նրանք հիմա գտնվում են Բանգլադեշի հակասանիտարական ճամբարներում: Այն, ինչ մենք տեսանք ու լսեցինք, հիասթափեցնող էր թե այն մարդկանց տեսանկյունից, որոնք պատմում էին իրենց ընտանիքների անդամների սպանության, թե նրանց նկատմամբ իրականացրած բռնությունների բնույթով»,-ասված է կազմակերպության զեկույցում: