Հունվարից ուսուցիչների աշխատավարձը 5 հազար դրամով կրճատվելու է. «Ժամանակ»

«Ժամանակ»-ը գրում է. «Հանրակրթական դպրոցների ուսուցիչներին զգուշացվել են, որ հունվարից հետո նրանց աշխատավարձը 5 հազար դրամով կրճատվելու է։

Սա կլինի կառավարության ամանորյա նվերը մանկավարժներին։ Ուսուցիչների աշխատավարձի կրճատման  մասին կառավարական որոշում չկա, ուղղակի պակասեցվելու է դպրոցների ֆինանսավորումը։ Կարծում ենք՝ սա էականորեն չի անդրադառնա մանկավարժների սոցիալական վիճակի վրա, որովհետև, միևնույն է, նրանք միս ու կարագ չեն օգտագործում»։